VIDEOS
Photos
CD ARTWORK
SONGTEXTE
1. NISU im Huus
s isch nid lukrativ wed subversive sound machsch
auternativ im spartarif uf haubmascht
attraktiv lasziv naiv chunnsch witer
manipulativ selektiv es isch schitter
demonstrativ plakativ nume ghüder
konspirativ z’motiv si nume chlüder
exzessiv spekulativ kapitalistisch
dr sound isch pop aber z’härz isch anarchistisch
ref
i rocke dir das huus dr nisu rocket dir das huus
progressiv kreativ mir si nid z’toppe
im kollektiv speditiv nid z’stoppe
repetitiv im aperitif bis mir robbe
fakultativ mit präservativ houptsach poppe
innovativ expressiv vou am rocke
qualitativ im superlativ das hout öich vo de socke
explosiv intensiv der sau bäbt
d’ängle tanze we dr tüfu räppt
ref
ds dach i flamme dr tüfu räppt
ängle headbange u d ärde bäbt
ref
2. Mini Stadt
weisch wie cool am pool so chli easy peasy
locker vom hocker dini sorge la vertribe bem sich
gägesitig i-ribe weisch wie gediege
we di schöne chrützbige nume grad blibe lige
umgäbe vo verschidene ligende bibe uf der
liegewiese lige sich chli la tribe wow lueg wi si
iri keckä becki schwänke uf der strecki er
aare entlang fingsch nid mir lige afang echli lang
wöu der stang vo der sunne doch scho fei wit unge
no schnäu rügge a rügge es paar blüemli pflücke üs verdrücke
üs mit blüete schmücke im sunneungergang enang stundelang
mit verzücke beglücke was für ne summernacht e macht e
stärnepracht wo üs ds schwärme macht wie
gmacht für di u mi genau so wi e nacht sött si
ref
summernacht
was geit ab
mini stadt
summernacht
was geit ab
summer i dr stadt
weme kulture vereint vode gränze befreit vöuker vereint der
summer zelebriert unschiniert tanzend dür strasse zieht
geit ersch d’party richtig ab mach ja nid schlapp
gang mit mit em tribende groove chunnsch super druuf
schwing dini huuf ufe groove druuf
welin isch hüt mini frou wär rockt mit mir di show
u de göh mir ab wi sou si mir aui vou im flow
we dr beat di vorwärts tribt u d’füess nid chöi blibe stah
we dr chopf muess nicke wöu däm sound chasch nid widerstah
de schütte mir drinks nache soviu wi hüt abema
a aui froue da usse hüt wär i de eifach z ha
o we der der schnuf fäuto we di dr groove quäut
o we dr schweiss louft wöu dr kreislouf heiss louft
härzfrequänz uf 120 u de längts unbeschränkt
bis dr morge erwacht
ref
3. Homo Sapiens
mir schwäbe scho lang näbenang i dr dunkuheit
hand i hand mitenang dür d’unändlechkeit
mir träie üs umenang ume im nä ewige kreis
du bisch scho immer da gsi e haubi ewigkeit
i bi grau u kau mit krater übersäit
u du e stau-blaui schönheit wo sich träit
es isch so ruhig um di du hesch scho lang nüm gseit
isch aues cool bi dir chum säg mir wis dir geit
i bi äbe grad nid e so zwäg
i ha d’homosapiens drum dräi i mi so müed u träg
mini luft isch toxisch mis klima isch fiebrig heiss
mini wäuder hueschte d’gletscher triefe vor schweiss
d homosapiens di hani o scho gha
die heis zimlech in sich, schisse richtig a
us gemeini fauna schliche si sich a
doch we der chäfer mutiert de fat ds theater a
es isch e läschtige chline parasit
doch be witem nid z’schlimmschte wos im kosmos git
d’homosapiens so schlimm wie si o si
si lege di churz chli flach u göh o wieder verbi
i bi äbe grad nid e so zwäg
i ha d’homosapiens drum dräi i mi so müed u träg
mini luft isch toxisch mis klima isch fiebrig heiss
doch es geit verbi o morn dräi i mi no im kreis
4. Summerhit
i wett nümm ga bügle i wett lieber nume no sound produziere
i wett nume no mit de lüt rede wo mi würklech intressiere
i wett we öper e witz verzeut ehrlech u lut chönne lache
i wett sufe bis zum umgheie u ohni kater ufwache
i wett zigis chönne rouche ab u zue ganz ohni sucht
i wett deopflicht für aui u niemer mit mundgruch
i wett e tröii fründin aber säuber umeflirte
vo mir us wiehnachte für d ching aber ohni blockflöte
i wett yb aus ch-meischter u der fedi aus nummer eis
i wett gäge d’steff la cheffe ping pöngele u fäderbäuele mit em greis
i wett mit em kuno ga fische aber meh aus är usezieh
i wett e grammy gwinne aber uf amerika wott i nie
ref
i wett e summer wi im 15
i wett e hit uf jedem sänder
dr summer 03 würd i ono näh
sunne vo juni bis septämber
i wett es filet ässe aber ds tier derbi la läbe
wett es gmässigets klima aber das wes geit haut ohni räge
wett fertigpizza mit dünnem teig dünn beleit u feiner sosse
wett ids wäutall flüge ohni co2 uszstosse
wett choche wi der smörebröd ohni chaos z hingerla
wett erfoug wi der dj bobo aber glich hinger mim sound stah
wett der morge erläbe aber glich blibe lige
mit ö.v.`s überau häre cho ohni einisch umzstige
wett dekadänz für mi u woustand für e räschte
wett über mi nume guets ghöre aber über di angere abläschtere
wett immer frässe u wär gärn fit hät gärn gsungi pommes frites
wett es läbe wos äuä eifach nid git
ref
i wett e ächte summerhit
i wett dass bärn ar südsee ligt
es fässli bier ä sägu trip
i wett e ächte summerhit
ref
5. Lorraine
sie isch e majeschtätischi erschinig straut häu wi eufebei
het eufehäng u eufeouge u di schönschte eufebei
es lüchte um sie häbt se ab vom räscht vor wäut
jede ruhm wo sie betritt wird chum merkbar liecht erhäut
ihri aura isch purs liecht nume gleissend häu u wyss
si redt in synphonie filigran virtuos präzis
ihri sätz si melodie dialög mit ihre duett
ihres lache isch wi e opere jedi geschte es ballett
ob z’schönschte meitschi vom breitsch
oder d’lorraine-prinzässin
s’chunnt immer drufa wär luegt
si argumentiert mit eufepfile punktgenau und elegant
isch so rein und voukomme wi e gschliffne diamant
ihri seeu isch jung und fin vom läbe no ganz enzückt
nume da für liebi z’finge u gränzeloses glück
ihres härz isch schüch u zue e dornigi rosechnoschpe
dä wos zum blüie bringt wird mit em glück uf d’liebi proschte
eine treit es liecht i sich isch e prinz allei für si
e glich häui erschinig so häu wi sie für mi
ref
i würd ja gärn ir siubrige rüschtig ufem wisse ross derhär cho
wär dr prinz wo si verfüehrt entfüehrt usem höchschte turm im kairo
doch e rüschtig chani mir nid leischte i bi ke prinz höchschtens e barde
u ob schimu oder fuchs ross si mir suschpäkt u zwar i aune farbe
wi gärn würd i aus ihre romeo vor ihre baukon stah
i würd di schönschte wort i de schönschte sätz über mini lippe lah
doch jedes mau weni si gseh bring i eh ke grade satz me z’stang
würd nume schwitze stagle u stottere da blib i lieber grad bem gsang
ref
6. Ohni Plan
es git vieli wäge aber no nid am ziu entgäge
mir si betöibt jede wot doch nume sis läbe läbe
chli mit chicks hange headbange düreträie
ab u zue für chli befridigung e tüte dräie
ob sich bekifft ufem baukon ad sunne lege
oder dr rase vorem huus hege u pflege
mit de schrebergärtenachbare um d radiesli schlegle
s isch e chlini wäut wo mir üs drin bewege
ohni perschpektive für di grosse zämehäng
trage mir es korsett us indoktrinierte norme u zwäng
mir näme nid wahr ob reau oder fake
de meischte isch egau was hinger uf verpackige so steit
mir gloube jede scheiss wo irgend e depp am TV seit
pseudo-journalismus wird millionefach u gratis verteilt
s’isch es eifachs läbe u das läbe läbt sich guet
doch dr pegu stigt u hinger üs chunnt d sintfluet
ref
ohni plan ohni ziu
ohni wau e teil vom spiu
jedes stück tribguet
isch e teil vor grosse sintfluet
i sueche d’roue ire gschicht wo nid i ha gschribe
u mini roue vor ouge blibi am morge lieber lige
ine gebore ine heili wäut us zuckerguss
us eifachem huus läbe i glich scho geng im überfluss
e tropfe im ne meer us kollektivem wahnsinn
pouschautourismus fitnesswahn u bling bling
es wär ja praktisch hätte mir e klare sündebock
d’generatione vor üs hei üs die scheisse hie ibrockt
i wär ja gärn dr retter i jede news letter
schribe sie ir schwyz gäbs es genie e super ökochecker
i würd nech zeige wi me die gseuschaft us dr scheisse schrisst
i würd erkläre wi me de grosse ires gschäft vermiest
i würd predige über verzicht u bescheideheit
i würd nech säge wiviu konsum dass die wäut vertreit
i chönnt no viu u wahrschinlech wär i zimlech guet
doch simer ehrlech i bi nume e teil vor sintfluet
ref
7. Paranoia
ds chlinschte grüüsch erschreckt di u du secklisch torklisch düre dräck nume müglechscht wit wäg schaffsch es aber nid vom fläck
du gspürsch es luure verschwummni konture
entschteuti hunde fratze wo plötzlech ufplatze
es wott dir z’bluet gfriere chasch der verstand verliere
du gspürsch wie d’lüt rund um di di aschtiere
wäg vo zviu blicke wäg vo zviu stimme
wäg vo aune lüt es schreit i dir inne
flieh ganz egau wie nume wäg hie
du secklisch u secklisch der blick hektisch
furt um ds verrecke chasch di nid verstecke
we di ganze schreckä i dim eigene chopf stecke
gah gah gah um ke pries blibe stah
s isch öpis hinger dir es bewegt sich regt sich
gspürsch es im äcke fangzähn wo blecke
geiferndi lefze ds blanke entsetze
ref
bisch ufem horror-trip wes dir ustickt
paranoia macht sech breit
we di geischt ungergeit
im chopf brätschets es wott dir d’stirnlappe zerrisse
gspürsch d’haar spriesse u gsehsch bluet fliesse
halluzinazione wo dir düre chopf schiesse
di tod vor ouge würdsch a fasch aus gloube
du ghörsch chnoche wo uf chnoche krache
schmöcksch der bitter gschmack vo bluet im rache
ghörsch sirene singe wo dir z’bluet lö la grinne
schrilli stimme wo di ume verstand bringe
ref
e schatte wo sech über dis härz leit
d’paranoia wo der ihri zähn zeigt
e stimm wo schreit dass sis nümme ertreit
wöu dini persönlechkeit komplett usenang gheit
ref
8. Pro Koitau Aktiv
in bi so unriif primitiv i bi e sklav vor chemie
manipuliert vo pheromon ds teschtoschteron dänkt für mi
immer scharf immer spitz immer giggerig wine sou
in bi wi wachs i ihrne häng chuum bini im bann vonere frou
ob schwarz oder brun oder gäub oder wyss
tschägget gfläcket verdräcket völlig glich
ob rund oder schlank ob gross oder chli
brunhaarig schwarzhaarig blond es darf fasch aues si
ab ids getümmu mau luege was dr abe bringt
da regt sich scho dr lümmu wo sofort ds kommando übernimmt
i schwümme imene meer vo bei u düft u brüscht
es wärde immer no meh eis gschrei vo gweckte glüscht
uh was für ne buuchnabu rüggefrei immer geil
decolleté o jeminee bini schwach fixiert ufe
schoss wiuelos schwanzglänkt u beschränkt ufe sexualtrieb
ungerlib ouuuu shit
ref
i bi notorisch animalisch
pro koitau aktiv
antropologisch exemplarisch
chronisch primitiv
mi psychiater hett mir gseit i heigi ds charlie sheen syndrom
us bonobo wär är normau us mönsch nid ganz ir norm
i söus doch mau mit e chlei romantik probiere
weisch so chlei gfüeu aber ke sex das chönnt doch funktioniere
auso hani afa date u sms schribe
aber nid die versoute sache i bi aständig blibe
u tatsächlech hani scho gli die richtegi troffe
mir si zimlech zäme versoffe aber getrennt hei gloffe
ohni ussicht uf ds poppe bini mit ihre ga shoppe
sie probiert es bikini i gseh nume haub entblössti glogge
i bi fasch am explodiere muess dringend kopuliere
es isch mir fasch eine ab nume bim zäme telefoniere
sit wuche geit das so itz hett si vori grad gschribe
sie warti itz nümme druf dass mirs äntlech zäme triebe
sie träff no angeri type mit dene göngs hoppedi grit
nid so weicheier wie ig eine sig ou shit
ref
9. DJ
was me scho lang mau müessti säge
so vo wäge zfride es paari häbe
no chli verhange no nes paar stange
nach eme gig eher nid aues shit
wüu undankbar zwüsche dir u der bar
der kabusalat isch völlig apathisch
mit bier versiffti kabu ufroue
a steu vo bekifft a dr bar umesoue
e d- d- e d- e dj dä wär scho lang am groupies knacke
da si mir no lang am züg verpacke
bis zum verrecke am schleppe wi di gstörte
derbi wett i o lieber flirte
i blibe derbi i wett viu lieber e d- e d- e dj si
ref
i wett e dj si
a steu vom probe gieng i ga platte choufe
z’fuess a gig loufe lässig hinger de tables hänge
headbange chopfnicke wodka kippe a drinks nippe
u de ladies blicke schicke zuenicke
gsuecht isch e schabe müglechscht verlade
eini zum nagle schnäu e scra- e scra- e scra- e scratch
zeige wo der meischter hockt
der superbock überchunnt jede rock
zersch uflege när flachlege
mit der chlatsche-geile ds taxi teile
weisch was i meine
i blibe derbi i wett viu lieber e dj si
ref
10. Honig uf Side
ref
i lige
mini gedanke flüge
la mi mit dir chli la tribe
schribe mit honig uf side
i nime honig u schribe es paar zile für di uf side
die süess goudigi versuechig blibt aus wort uf side lige
side schmichlet uf der hut si isch so fiin u liecht wi luft
doch nümm im kreislouf hett si ke läbe si hett ke gschmack u ke duft
so vili mau e chline tod wunderbar grusam schön u chaut
mit honig uf side schribe läbe trifft uf stummi gwaut
der nektar vo de blüete vo de blueme uf ere wiese
unschoudig verschpiuti symbiose so wird läbe mit läbe gspise
unzähligi chlini schönheite wo d’bieni magisch azieh
sich siner säuber nid bewusst si si da nume für da z’si
mit honig uf side schribe vereint ds läbe mit em stärbe
wüu me nume i dere form dir mit wort grächt cha wärde
ref
i nime honig u schribe es paar zile für di uf side
gloube nid dass es di intressiert o weh i vo härze aues gibe
i chönnt hundert songs schribe u se ununterbroche für di singe
du blibsch in stoischer rueh nüt cha di usem rhythmus bringe
i bi doudet bi e gascht e unbedütendi begleitig
i bi dir voukomme egau o we mir ununterbroche vereint si
mönsche chöme mönsche göh u jede tag gits nöii
du bisch grächt unerbittlech vorurteilslos u oni röii
du bisch dr prozäss u ds ergäbniss jede verlürer jede gwinner
aut wi dr tag u d nacht me chönnt meine di gäbs für immer
du hesch milliarde vo gsichter wo eis schöner aus ds angere isch
du pulsiersch vo läbe wöu du d summe vom läbe bisch
ref
I d’Aare
I d’Aare, i d’Aare, oh-o
Str
E Jungbrunne im Täli unge, d‘Aorta im Härz vo dr Stadt
Bezoubernd, dezänt, fliesst das Monumänt, magischtrau u stetig z’dürab
Immer vou im Flow isch di Wassershow, unufdringlech ästhetisch
Im Morgetou e sanfte Ruhepou, erhabe, episch, poetisch
Mini grüeni Oase i jedere Phase vo mim Läbe, sit i bi Ching gsi
Stigt ds Thermometer, fragt di jede Meter irgend öpper: Bisch das Jahr scho drin gsi?
Im Winter wunderbar, seicht u glasklar, ds schönschte Türkis im Summer
Hett sie 18+, isch dr Standardgruess: Hei, gseht me sich später no dunger?
Pre Ref
Dr Summer pulsiert i de Gasse
D‘Luft flimmeret, d‘Sunne schimmeret uf em Wasser
Wirds wärmer, gsehsch d‘Bärner i Schare
Velo a Velo a Velo nidsi fahre
Mir gseh üs dunger ar Aare
Ref
Mir gseh üs dunger ar Aare
Zäme ufe tschumple, nächär ine gumpe
Mir gseh üs dunger ar Aare
Wie ne erfrüschende Kuss, dä Sprung i grüen Fluss
Mir gseh üs dunger ar Aare
Uf em Rügge la tribe, wi flüge im lige
Mir gseh üs dunger ar Aare
No ar Sunne chli chille, es Bierli u grille
I d’Aare, i d’Aare, oh-o
Str
Zum Tierpark spaziere, entlang flaniere u sech nächär i d‘Fluete stürze
Wär nid wit ma loufe, cha bir Aareschloufe dank em Tunnäu der Wäg abchürze
Näb de Wäuebrättler vor Brügg e Plättler, mit ufekremplete Hose
Bim umefüürle zwüschem Velotüürle mit de Füess chli im Wasser chosle
Bim Aareböötle e chli umeflirte, füecht-fröhlech d‘Aare ab schunkle
Hand in Hand ab a Glacestang, während di erschte Stärne scho funkle
Chli sounde, chli singe, paar Lieder astimme, chli trinke, chli fiire, chli spinne
Mit versammleter Clique es Nacktbädli zwicke, di Nacht, di blibt dir für immer
Pre Ref 2
Dr Summer pulsiert i de Gasse
Dr Mond spieglet siubrig im Wasser
S‘git Nächt, da gsehsch d‘Bärner i Schare
Velo a Velo a Velo nidsi fahre
Mir gseh üs dunger ar Aare
Ref
YB-Song
Str
Du hesch dis haube läbe uf enes ziu usgrichtet
Prioritäte gsetzt, investiert u verzichtet
Kollege si ga chille du bisch Rundine ga renne
Angeri si ga Biere du hesch Gwicht müesse stemme Training über Training über Training absolviert
Regeneriert, analysiert, optimiert u wider probiert
Einheit über Einheit über Einheit gmalochet
Aus wo de chasch, aus wo de masch, komplet düregchochet Its mues es passe, hüt isch wos zeut
Wär wachst mit em Druck, wär wird zum Heud
Wär spiut hüt schneuer, spiut herter rennt witer
Wär bringts uf e Punkt, wär isch parat, wär isch fiter?
Es ligt be dir, du heschs i de eigete Füess
Vo witem ghörsch ds Vouk, jede weiss wi me müesst
D Erwartige si höch, di Stadt wot hüt feschte
Drum gang itz use u när gib dis beschte!
E Wang wo Gäub-Schwarz treit
Di ganzi Arena steit
Da bechunsch ja Hüenerhut
E ganzi Stadt wo gloubt, dass me de Titu hout
BSC YB ... B-S-C YB
Str
Oug in Oug es entscheidet dr Chopf
Nume chlini Nuance lige zwüsche top und flop
Kämpfe u gätsche, fighte u liede
Hartnäckig blibe witer d Bäu füre triebe
Treit vo de Fans wo komplet düreträie
Si singe, si gröle, si schreie, si chräie
S isch gräu, häu, lut nume nid la iritiere
Riess di zäme konzentriere, fokussiere
Ds Adrenalin vou am schube u pumpe
Ds Publikum am tobe u gumpe
Ds Härz hämmeret wot dir dr Bruschtchorb zerriesse Bachnass dr Schweiss am trieffe u fliesse
D Wäut steit stiu u hautet churz d luft ah
Dr Momänt vor Entscheidig, its mues es ufga
Du hangisch im Lääre zwüsche Ruhm u Zyt
Nume no ei Gedanke: so gwinn itz dä Shit!